Frutak Atik Zra:
Abrikot-orejoiak
Denboraldiko egutegia
Sukaldeko trikimailuak
Abrikot lehortuek, beti azidoagoak izaki, jatorrizko zaporearen parte handi bat gordetzen dute. Fruta lehor guztien artetik, gozotasun gutxien dutenak dira. Orejoi beratu eta egosiak pure egin daitezke eta budinen, saltsen eta konfituren osaketan sartu. Zakarki xehatuz gero, pilaf gisa presta daitezke (Europako ekialdeko plater tipikoa da pilaf-a, eta garia, haragia, olioa eta belarrak ditu osagai, denak batera irakinda), eta arkumea eta hegaztiak betetzeko ere egokiak dira. Orejoi hori zimelduak beratzen jarri behar dira, eta azukrearekin prestatu, jateko modukoak izan daitezen. Hala ere, eguzkitan lehortutako produktuak zuzenean jan daitezke, merkatuan erosten diren moduan. Abrikot-pasta oso preziatua da herrialde arabiarretan, non kem-reddine ("erlijio-ilargia") izenez ezagutzen den, eta produktu exotikoen saltokietan aurki daiteke.
Barazki-burruntzia abrikot- eta aran-kremarekin
- Denbora: 40 minutu
- Prezioa: 5-10 €
- Zailtasuna:Ertaina
- Anoak: 4
- Denboraldia: Urte osoan
Osagaiak
- 250 g berenjena, kubotan ebakia
- 200 g tipula, kubotan moztuta
- 100 g pipermorro gorri edo berde, kubotan moztua
- 14 txanpinoi handi
- 2 koilarakadatxo olio, gatza eta piperbeltza.
Nola egiten den
Egosi uretan pikuak 15 minutuz, zurtoinik gabe, pure bihurtu arte. Irabiagailu batekin xehatu. Egin xarabe bat ur pixka batekin, azukrearekin eta limoi-zorrotada batekin. Gorringoekin nahastu eta 10 minutuz irabiatu harrotu arte. Gehitu piku-purea eta nahastu poliki-poliki. Bota esne-gain erdiondua ere. Kontuz nahasten jarraitu. Nahastearekin molde batzuk bete eta izozkailuan sartu. Behin izoztuta, moldeetatik atera eta ur beroarekin lagundu. Egin intxaur-saltsa bere osagaiak nahastuz. Txikitu su motelean, utzi pausatzen eta iragazi. Zerbitzatu biskuita saltsarekin eta apaindu menda hostoekin.
Fruitu lehorren entsalada, abrikotaren ozpin-olioarekin
- Denbora: 10-15 minutu
- Prezioa: 5-10 €
- Zailtasuna: erraza
- Anoak: 4
- Denboraldia: udaberria, uda
Osagaiak
- 100 gramo errukula eta askotariko letxugak
- Tomate bat
- 20 gramo pistatxo zuritu
- 100 gramo Gouda gazta
- 20 gramo almendra txigortu
- 20 gramo hur
- 20 gramo mahaspasa
- 50 gramo abrikot
- 30 ml sagardo-ozpin
- 10 ml ozpin baltsamiko
- 90 ml oliba-olio
- Gatz pixka bat
Nola egiten den
Garbitu errukula eta gainerako letxugak, xukatu eta gorde.
Gainera, xigortu minutu batzuetan almendrak, hurrak, pistatxo zurituak eta mahaspasak. Azukre pixka bat bota eta karamelatzen utzi.
Entsaladako tomatea zuritu, karratutxo erregularretan zatitu eta letxugekin nahastu.
Fruitu lehor karamelatu samarrak entsaladan jarri, errukularekin, letxugekin eta tomate-zatiekin ongi nahastuta.
Orduan, abrikotaren ozpin-olioa prestatuko dugu, oliba-olio birjina, ozpina, gatza eta abrikot garbia eta brounoisse eran zatitua nahastuz.
Entsalada prestatzeari amaiera emateko, ontziko guztia ontzutuko dugu abrikotaren ozpin-olioarekin, eta ondu berria jango dugu.
