Gaur egun, urteko edozein sasoitan eskura daitezke fruta gehienak. Hala ere, hobe da sasoi horretako frutak unean-unean erostea. Horrela, udaberrian eta udan, fresa, sandia edo meloia bezalako freskagarrienak eta ur ugarikoak eros daitezke merkatuan. Udazkenean, fruta energetikoagoak agertzen dira, azukretan aberatsagoak (mahatsa, adibidez), eta, neguan, fruta zitrikoak, hala nola laranjak, ugariago C bitaminan.

Kaxa edo etiketetan datu hauek jarri behar dira:

• Produktuaren izena eta barietatea (adibidez: Golden sagarra)
• Jatorria (hazkuntza-lekua)
• Kategoria: estra (gorria); 1. maila (berdea); 2. maila (horia) eta 3. maila (zuria). Kategoria, besteak beste, tamainak, piezen uniformetasunak, inperfekzioen ehunekoak, zimurtasunak, kolore-aldaketek eta abarrek zehazten dute.
• Pisu garbia (kg-tan)
• Prezioa kiloko
• Erloa
• Produktuaren jatorria
• Industria identifikatzea
• Osasun Erregistro Orokorraren zenbakia
• Datak markatzea (ez da nahitaezkoa moztu ez badituzte edo antzeko beste tratamenduren bat jaso badute)

Fruta ongi koloreztatuak hautatzea komeni da, kolperik, ubeldurik, orbanik edo atal bigunik ez dutenak. Beraz, horien egoera egiaztatzeko, hobe da agerian dauden eta paketatu gabe dauden aleak erostea.

Fruta berehala jan behar ez denean, heldugabe samar erosi behar da, etxean giro-tenperaturan heltzen uzteko. Hala ere, fruta heldua leku freskoetan edo hozkailuan gorde beharko da, eta ahalik eta azkarren kontsumitu.