Frutaka-tik Z-ra:
Piku lehorra
Denboraldiko egutegia
Sukaldeko trikimailuak
Piku lehorrak bere horretan jan ohi dira, edo budinen eta konpoten osagai gisa erabiltzen dira; horretarako, erabili baino ordu batzuk lehenago busti behar dira; ardoa erabiltzen bada uraren ordez, zapore hobea lortzen da.
Pikuak ez dira garbitu behar, azala berehala blaitzen baitzaie; zapi busti batekin garbitu behar dira.
Proventzan Urte Berrirako postre tradizional bat prestatzen da, Les quatre mendiants edo lau eskaleak izenekoa, eta piku, mahaspasa, hurra eta almendraz osaturiko nahasketa bat da, zeinaren koloreek Eliza Katolikoaren lau ordena eskaleek janzten zituzten ohiturak gogorarazten dituzten.
Gaztela eta Leonen, oso aperitibo preziatua eta gozoa izaten da piku lehorrak eta intxaurrak nahasita jatea, eta "behartsuen turroia" esaten zaio. Andaluzian piku-ogia egiten dute, gozo tradizional bat. Ospetsuena eta ezagunena Cuevas herrian (Almeria) egiten dutena da. Opil borobil eta laua da, piku lehor xehatu finekin eta hainbat fruitu lehor eta ongailu edo espezierekin egina: almendrak, anisa, kanela, iltzea, piperbeltza, laranja-azala, anis-pattarra eta mihilu-ura. Emaitza elikagai energetiko eta bizkorgarria da.
Piku-biskuita intxaur-saltsarekin
- Denbora: 40 minutu
- Prezioa: 5-10€
- Zailtasuna: Batez bestekoa
- Anoak: 4
- Denboraldia: Urte osoan
Osagaiak
- 200 gr. piku lehorrena
- 4 gorringo
- 6 koilarakada azukre
- litro erdi esnegain
- ura, limoi ura, menda
- 100 gr. intxaur zurituak
- 100 gr. azukrezkoak
- litro erdi esne
Nola egiten den
Egin piku-purea 15 minutuz, zurtoinik gabe, uretan egosiz. Irabiagailu batekin xehatu. Egin xarabe bat ur pixka batekin, azukrearekin eta limoi-zorrotada batekin. Gorringoekin nahastu eta 10 minutuz irabiatu mendira iritsi arte. Gehitu piku-purea eta nahastu poliki-poliki. Bota esne-gain erdiondua ere. Kontuz nahasten jarraitu. Nahastearekin molde batzuk bete eta izozkailuan sartu. Behin izoztuta, moldeetatik atera eta ur beroarekin lagundu. Egin intxaur-saltsa bere osagaiak nahastuz. Txikitu su motelean, utzi pausatzen eta iragazi. Zerbitzatu biskuita saltsarekin eta apaindu menda hostoekin.
Piku lehor eta mugurdi txingarretan erreak masusta-marmeladarekin
- Denbora: 5 minutu baino gutxiago
- Prezioa: 5 €-tik beherakoa
- Zailtasuna: erraza
- Anoak: 4
- Denboraldia: udaberria, uda, udazkena, negua
Osagaiak
- 250 gramo ogi (8 xerra)
- 50 gramo piku lehor
- 100 gramo andere-mahats
- 100 gramo masusta-marmelada
- 20 gramo gurin
- 40 ml ardo gozo
Nola egiten den
Pikuak ur epeletan berriz hidratatuko ditugu bi orduz. Ondoren, xerra finetan moztu, eta zartagin itsasgaitz batean erre, gurin pixka batekin. Ia txigortuta daudenean, gehitu mugurdiak eta lau koilarakada ardo gozo. Sueztitu dena karamelatu arte, eta, azkenik, sutik atera.
Ogi-xerrak xigortzen ditugu.
Modu artistikoan, pikuak ogi txigortuaren gainean jarriko ditugu. Masustak eta masusta-marmeladaz lagunduko diegu.
Gosari edo askari gisa zerbitzatzen dugu.
