Frutaka-tik Z-ra:
Banana
Denboraldiko egutegia
Sukaldeko trikimailuak
Ohikoena banana eta bananatxoa fruta fresko gisa jatea da (postrerako edo irabiaki, entsalada eta antzekoen osagai gisa), hori baita nutrizio arloko bertute guztiak aprobetxatzeko modurik onena. Sukaldean ere erabiltzen dira, irabiakiak, konpotak eta hainbat postre egiteko. Frijituta, karamelatuta... jan daiteke, eta, hala, haragiz nahiz arrainez egindako plateren hornigai gisa erabil daiteke. Banana arra soilik kuzinatuta jaten den fruta da, baina egosteak ez du aldatzen karbohidratoen edukia (almidoia). Oro har, patatak eta barazkiak prestatzen diren bezala prestatzen da (egosia, frijitua, errea, labean egina...), eta zopa batzuen osagai gisa ere erabil daiteke.
Bananazko irabiakia
- Denbora: 20 minutu
- Prezioa: 5-10€
- Zailtasuna: Oso erraza
- Anoak: 4
- Denboraldia: Urte osoan
Osagaiak
- 4 banana heldu
- 4 limoi-jogurt
- limoi baten zukua
- azukrea eta txokolatezko bi pastilla
Nola egiten den
Zatitu bananak eta busti limoi-zukuarekin. Azukrea eta jogurtak gehitu eta irabiagailua pasatu, homogeneoa geratu arte. Apaindu txokolatezko txirbilekin, aizto baten laguntzaz, eta gorde hozkailuan, hotz zerbitzatzeko.
Torradak kanariar platanoarekin
- Denbora: 20-30 minutu
- Prezioa: 5€
- Zailtasuna: ertaina
- Anoak: 4
- Denboraldia: udaberria, uda, udazkena, negua
Osagaiak
- 250 gramo azal gabeko moldeko ogi
- kanarietako bi banana
- 250 gramo esne oso
- 20 gramo azukre
- banilla-adar bat
- Limoi azal zati bat
- 2 arrautza arrautzaztatzeko
- 5 gramo azukre apaintzeko eta laguntzeko
- 5 gramo kanela eho, apaintzeko eta laguntzeko
Nola egiten den
Esnea banilla-lekarekin eta limoi-oskolarekin batera egosten dugu. Irakiten duenean, epeldu arte utzi behar da bere horretan. Une horretan, azukrea gehitu, nahastu disolbatzeko eta ogia bustitzeko.
Beratu ogia pixka bat koilara baten laguntzaz, bustita eta bigunduta egon arte, baina desegin gabe eta tantarik bota gabe.
Platanondoak makila erregular eta luzeetan zuritu eta zatitu, moldeko ogiaren xerrak bezala. Kanarietako banana-makilak esne aromatizatuz bustitako ogi-xerrarekin biltzen ditugu, zilindro-itxura emanez.
Ogi-xerrak ederki xukatuta, esnerik tantatu gabe, arrautza irabiatuetatik pasatzen ditugu, eta zartagin batean olio bero ugarirekin frijitzen ditugu zilindroa modu uniformean biraraziz.
Frijitu ondoren, sukaldeko paperez estalitako erretilu batean xukatu behar dira, gehiegizko olioa ken dezaten. Oraindik bero, jarri platanozko torrada zilindrikoak beste azpil batean eta hautseztatu azukrearekin eta kanela-hautsarekin. Horrela, ogi torrada ezberdinak lortuko ditugu, eta platanoaren barruko harriduragatik ukitu dibertigarri batekin.
