Aguacate

O aguacate é orixinario de México, Colombia e Venezuela. Os primeiros españois que chegaron a América bautizaron este froito co nome de "pera das Indias", dada a súa semellanza externa coas peras españolas. Os principais produtores  son: México, República Dominicana, Colombia, Perú e Indonesia. As variedades que máis se comercializan nos puntos de venda son as seguintes: Hass, que é a máis coñecida e comercializada; de pequeno tamaño, rugoso e de pel escura e pulpa amarela. Prodúcese en México e en España, en Andalucía.  Bacon e a variedade máis temperá, de cor verde brillante e moi cultivada en España; Cocktail ou dátil  destaca pola súa forma alargada e sen óso central, de sabor fino e delicado, cultívase en Israel e en España, e comercialízase sobre todo en Francia; Forte ten forma de pera sen brillo e de pel fina, áspera e sabor exquisito, cun peso aproximado de 250 gramos; cultivado en Israel, Kenia, Sudáfrica e España e, por último, a variedade Pinkerton, con forma alargada e de pera, de pel rugosa e sabor agradable, cultivado en Israel.